نقدم لحضراتكم فى منتدى مصطفى شاهين التعليمى شرح مصور لخطوات التقديم الإلكترونى لرياض الأطفال والصف الأول الابتدائى 2022
اولا الدخول علي الرابط التالي
الخطوات حسب الصور المعروضة :
١- تضغط علي فتح التسجيل الالكتروني للتقدم لمرحلة رياض الاطفال.
٢- تضغط على كلمة مستخدم جديد.
٣- يقوم ولي الامر بتسجيل بياناته وليس ( بيانات الطفل ) نهاية البيانات خانة كلمة المرور يكتب كلمة مرور مكونة من ٨ ارقام او رموز بشرط يكون فيهم حروف كبيرة و يضغط تسجيل .
كدة بتكون أنشأت حساب باسم ولي الامر بنجاح و تعمل عودة
٤- سوف تقوم بادخال رقمك القومى تاني و كلمة المرور اللي كتبها قبل كدة و تعمل تسجيل دخول.
٥- تختار نوعية المدارس اللي هي(رسمي) و تسجل بيانات الطفل و تضغط علي بدء التسجيل.
٦- تسجل بيانات الطفل و الاب و الام و العنوان بالتفصيل
٧- تحدد الادارة و تختار المدارس و تعمل لها اضافة وبعد كل اختيار بتعمل اضافة حتى 3رغبات
٨- تحفظ الرغبات و تطبعها.
و لو قابلتك اي مشكلة حاول مرة تانية لان ممكن يكون الضغط شديد علي الموقع .. معانا شهر ان شاء الله مافيش داعي للاستعجال.
ملاحظات هامة :
اختيار الروضات القريبة من المربع السكني ده امر ضروري جدا لانك في حالة القبول.. المدرسة هاتطلب من حضرتك ما يثبت محل سكنك و انك تابع للمربع السكني للمدرسة .
حضرتك لازم تحتفظ بكلمة المرور بتاعتك علشان لما تحب تدخل تاني علي الموقع للاستعلام عن النتيجة او التعديل فى الرغبات
